Gradacelat filtruese qe prodhojne energji nga mbetjet
Projektuesi Honglin Li ka propozuar impiantet lundruese të cilat prodhojnë energji elektrike nga mbetjet plastike, dhe që njëkohësisht pastrojnë oqeanet.
Propozimi shkencor, i quajtur Filtration Skyscraper, imagjinon vendosjen e kullave pa pilot në platforma të braktisura të naftës në pjesë të oqeaneve ku grumbullohen mbetjet plastike.
Makineritë e sofistikuara në kullat konceptuale do të gjeneronin energji elektrike dhe biokarburante nga plastika dhe ndotësit e tjerë të nxjerrë nga uji i detit. Kjo përfshin shndërrimin e një platforme të braktisur të naftës në një gradaçelë riciklimi vertikal, u shpreh projektuesi.
Kjo mund të filtrojë mbeturinat lundruese dhe të pastrojë ujërat e detit ndërsa merr përsipër krizën energjetike në botë. Honglin Li propozon vendosjen e kullave në të ashtuquajturën Great Patch të Paqësorit, ku miliarda grimca plastike janë grumbulluar në një rrymë rrotulluese. Propozimi bashkon një gamë të proceseve të riciklimit dhe gjenerimit të energjisë në botën reale.
Mbetjet e rikuperuara do të digjen për të gjeneruar energji në një impiant energjie mbeturinash, e cila do të prodhonte energji ose karburant për të drejtuar objektin, plus një tepricë që mund të përdoret në breg. Energjia mund të prodhohet në formën e energjisë elektrike ose karburantit të djegshëm, tha Li.
Sipas propozimit, deti i ndotur pompohet në majë të strukturës dhe filtrohet ndërsa zbret, me plastikë dhe ndotes të tjerë të cilët hiqen, renditen dhe digjen ose kompostohen në një kompozitor në bord. Propozimi i Li është mënyra më e fundit dhe më futuristike për të trajtuar ndotjen e oqeanit.
